O xoves, 22 de novembro, os de 2º e 3º da ESO andaron de excursión por Compostela. Entre eles, como non, boa parte dos Leóns de Bagdad e dos de Ítaca. Da capital de Galicia visitaron o Parlamento, as cubertas da Catedral, o pazo de Xelmírez e, para rematar, foron até o monte Gaiás para ver na Cidade da Cultura a exposición Gallaecia Petrea -recoméndase vivamente- e máis a exposición de códices -si, entre eles o Códice Calixtino-, que por certo resultou interesantísima, en boa medida porque o guía era magnífico. Ben, o caso é que á saída non houbo tempo de ir á ciclópea Biblioteca, pero os dos clubes si que se fotografaron diante desta instalación libresca. Non estivo mal coma colofón a unha xornada intensísima na nosa "cidade eterna".
No hay comentarios:
Publicar un comentario