ÍTACA

Quen somos?

Somos o Clube de Lectura de 4º da ESO do CPR Divino Maestro de Lugo neste curso 2013/14:Ítaca.


Somos: Iago, Elena, Jenni, Tamara, Laura, Iria, Andrea Gómez, Nerea, Antonio, Andrea Gutiérrez e Melissa.

Vémonos os venres na Biblioteca na hora do recreo:

Que lemos?


Este curso comezamos falando do mal, do nazismo con



             No 2012 comezamos andando pola Terra Media:



E do "hobbit" pasamos a Xúpiter:
O amor, o amor...


E ese nome?

Con literario orgullo delincuente, confesamos:
pois si, roubámolo en Grecia:

Ítaca 
  
Cando comeces a túa viaxe a Ítaca 
pide que o camiño sexa longo, 
pleno de aventuras, pleno de experiencias. 
Aos Lestrigóns e aos Cíclopes, 
ao irado Poseidón non temas: 
nunca atoparás criaturas tales na túa ruta 
se mantés o pensamento elevado, se unha 
selecta emoción o teu corpo e espírito ilumina. 
Aos Lestrigóns e aos Cíclopes, 
ao feroz Poseidón non acharás. 
Non, se non é a túa alma a que os alberga; 
non, se non é ela a que chos mostra. 
  
Pide que o camiño sexa longo. 
Que sexan moitas as mañás de estío 
que –con que pracer e ledicia!- 
te conduzan a portos nunca vistos; 
detente ante os mercados fenicios 
e adquire as mellores mercancías, 
madreperlas, corais, ámbar e ébano, 
e toda sorte de perfumes sensuais, 
tanta variedade deles como atopes; 
vai a moitas cidades de Exipto 
e aprende canto poidas dos seus sabios. 
  
E leva sempre Ítaca na túa mente. 
ela é a túa meta, o teu destino. 
Mais non apresures nunca a túa viaxe. 
É mellor que dure moitos anos 
e recales na illa sendo vello, 
rico de canto acadaches no camiño, 
sen agardar que Ítaca te enriqueza. 
  
Ítaca xa che deu tan fermosa viaxe. 
Sen ela, nunca emprenderías o camiño. 
Que máis pode ofrecerche? 
E se a atopas pobre, non é que Ítaca te enganase. 
Sabio como serás e con tanta experiencia 
ben comprenderás o significado das Ítacas.
                                                                               
                                                                        KAVAFIS, Konstantinos.
                                                                        Poemas canónicos, Ed. Rinoceronte