Talvez nas fotografías non se aprecia demasiado ben, pero rematamos a remodelación da Biblioteca por este curso. Despois de recolocar andeis, redistribuír o espazo, cambiar algún cadro, mercar expositores e repintar algunhas paredes este é o aspecto definitivo do local.
Que vos parece?
A nós parécenos que o local resulta agora máis acolledor.
En todo caso, o verdadeiramente importante non é o envoltorio, senón o contido, as lecturas e as actividades que aquí sexamos quen de levar a cabo, non si?
Por certo, non notades nas imaxes un cheiriño agradable... un arrecendo a bolboretas...?
Non, non é a pintura.
É o final de curso que xa se albisca aí adiante...
E xa van aló 70 entradas e 7000 visitas...
No hay comentarios:
Publicar un comentario