ÍTACA!!!

Os de 4º e 5º de Primaria remataron a actividade de animación á lectura que argallamos ao redor da obra "A odisea contada aos nenos". Vaia, que fomos chegando a Ítaca.

E fixémolo da man de Benxamín Míguez, que nos desvelou segredos, curiosidades e moitas, moitas cousas interesantísimas sobre os gregos, os troianos, os barcos, Ulises, Ítaca...

Os de 4º, primeiro, estiveron superatentos, e ata se divertiron ben!

Logo foi a quenda da actividade final:

reconstruír o barco de Ulises!

Pouco a pouco, achegámonos ao obxectivo...

Máis tarde, despois do tempo de lecer, foi o tempo dos de 5º de Primaria, que xa desde o principio lle poñían boa cara á navegación polo Mediterráneo...

Despois de escoitar a Benxamín tamén tocou

"reparar" o barco...

Pero os mariñeiros tiñan cara de satisfacción...

E agora... cadaquén a facer a súa viaxe

 e buscar a súa Ítaca!