Blog da Biblioteca e do ENDL do Colexio Divino Maestro de Lugo
A biblioteca Paco Martín continúa aumentando os seus fondos; pensando sempre na inclusión (como co novo material da mesa de luz) e na integración de todas as áreas. Neste sentido, mercamos unha serie de libros que nos servirán de base a futuros proxectos relacionados coa ecoloxía. Seguimos medrando! #bibliotecapacomartin #bibliotecasecolares #plambe
A nosa biblioteca quere seguir medrando e innovando; por iso viñemos hoxe a Santiago de Compostela aos Encontros de mellora de Bibliotecas Escolares de Galicia. #plambe #bibliotecapacomartin #bibliotecasescolares
Escoita a entrevista que os rapaces e rapazas de 3º da ESO lle realizaron ao escritor Paco Martín, pai da literatura infanto-xuvenil galega.
https://go.ivoox.com/rf/82422727
Unha vez máis, queremos agradecer a Paco Martín non só a súa visita; senón tamén a doazón deste lote de libros da súa autoría, (así como da ilustradora Belén Martín); todos eles dedicados e asinados. #plambe #bibliotecapacomartin #bibliotecasesclares
PRESENTACIÓN PACO MARTÍN por David Díaz González en Genially
Paco Martín por Sara Durán Franco en Genially
VIDEO-PRESENTACIÓN PACO MARTÍN por Samuel Viño López en Genially
Powtoon - Trivia Time Template
QUIZ GENIAL por Marta Abuín Rebolo en Genially
O alumnado de 3° de primaria xa dispón de 25 novos exemplares de "Aldara na Lúa", un compendio de lecturas en galego coas que poder gozar diariamente na Hora de Ler. #plambe #bibliotecasescolares #horadeler
Estreamos carteleira de promoción dos libros e de información sobre as novidades que van chegando á Biblioteca. E facémola imitando a grella dunha coñecida plataforma televisiva, de modo que, se non sabedes qué ler... Sempre podedes botarlle un ollo á carteleira do noso BOOKFLIX!!
E faino cos "peques" de 1° da ESO, que lle van meter o dente a "O pacto do letargo", do grande Miguelanxo Prado... Imos aló!
- NAVIDADES CON MANNY. Manny Manitas descubrirá o auténtico significado do Nadal participando na festa de Kelly.
- ¡FELIZ NAVIDAD, PEPPA! Celebra a Noiteboa con Peppa e a súa familia realizando un gran boneco de neve.
- OS BOLECHAS FESTEXAN O NADAL. A familia creada por Pepe Carreiro prepárase para celebrar estas datas por todo o alto.
- ESTACIÓN NADAL. Mamá Cabra canta ao Nadal e aos Reis Magos.
- KIKA SUPERBRUXA E O FEITIZO DE NADAL. Ante a falta de espírito de Nadal, Kika argallará un auténtico feitizo para recuperar a maxia do momento.
- EL CASO DE PAPÁ NOEL. Charly e os seus amigos enfrontaranse a unha banda de delincuentes que actúan baixo o inocente traxe de Papá Noel en vésperas de Nadal.
- CANCIÓN DE NAVIDAD. Un clásico de Charles Dickens que ten a Ebenezer Scrooge, un vello avaro, como protagonista desta alegación en favor do Nadal.
- OS REIS MAGOS. Unha sorprendente visión da historia dos Reis Magos, chea de reflexións filosóficas, parodia e espiritualidade.
O alumnado de 4⁰ de EP está a por en marcha unha actividade motivante de animación á lectura dentro da "Hora de Ler".Trátase dun lectómetro, ferramenta didáctica que permite iniciar e afondar no gusto pola lectura.
A actividade consiste en que o alumnado escolla un libro da biblioteca de aula para ser lido no tempo diario adicado a tal fin. Unha vez rematado, exporán de forma oral un breve resumo do lido, así como a parte que máis lles gustou. Posteriormente descolgaranse os lectómetros do corcho da aula e colorearase o lombo dun libro, como certificación de libro lido.
A biblioteca de aula consta de comics, libros do Plan Lector, títulos en galego e castelán e títulos achegados polos alumnos/as para compartir, respectando sempre os protocolos.
Agárdanse implementar máis iniciativas ao longo dos trimestres.
Que se tramará en cuarto? Tam,tam,tam... #plambe#bibliotecadeaula #planlecor #horadeler
Comezamos o mes de decembro cunha nova iniciativa no noso cole: a HORA DE LER. A partir de hoxe, todos os días o alumnado de primaria e secundaria (e o seu profesorado) dedicará 20 minutos da súa xornada escolar única e exclusivamente á lectura. Narrativa, ensaio, banda deseñada... dá igual!! O importante é que xermole en nós o gusto polos libros. #horadeler #plambe #bibliotecasescolares
As do club de lectura e o club de calceta de 3° e 4° da ESO queremos achegar o noso gran de area neste 25 de novembro: velaquí a manta violeta que fixemos entre todas.
Simboliza as redes que a nosa sociedade precisa para acoller ás que sofren violencia, ás mancadas, ás insultadas, ás marxinadas, ás apartadas por seren mulleres. A nosa manta, feita cos retallos que cada unha calcetou e que logo foron cosidos, quere reivindicar unha sociedade que coida e protexe a todas as mulleres que sofren pola súa condición feminina; a nosa manta quere berrar que somos quen de tecer unha sociedade non violenta, unha comunidade onde toda muller sexa libre, dona de si e non teña motivos para sentir medo polo mero feito de ser muller.
Negámonos a crer que isto sexa unha utopía: cos pequenos xestos e esforzos de cadaquén imos construír esta comunidade aquí e agora, igual que tecemos a manta co retallo de cada unha.
O noso amor, a nosa sororidade, non ha ser inútil. Existe a maxia e pode ser de todas!
#25N #club da calceta #club de lectura
O noso profesorado continua formándose día a día! Así, o sábado 20 de novembro, desprazámonos a Compostela ás Xornadas de Bibliotecas Escolares de Galicia para aprender novas experiencias que poñer en práctica na nosa biblio. #plambe #bibliotecaescolar
Xa que estamos no mes da ciencia en galego nas bibliotecas, aproveitamos para facervos algunhas recomendacións lectoras:
- "O espazo", un libro lúdico para resolver as dúbidas dos máis pequenos.
- "A que cheiran as cores?". O neurocientífico Juan Castro Rivadulla contesta a esa e outras moitas máis curiosidades.
- "A que altura está o ceo?" O físico Jorge Mira describe unha apaixonante viaxe no tempo, dende a Grecia clásica ata os máis recentes descubrimentos sobre o universo.
#plambe #bibliotecasescolares #mesdacienciaengalego
Desde 1997, cada 24 de outubro conmemórase o Día da Biblioteca. A proposta xorde da Asociación Española de Amigos do Libro Infantil e Xuvenil, apoiada polo Ministerio de Cultura, en recordo da destrución da Biblioteca de Saraxevo, incendiada en 1992 durante o conflito balcánico. Na aula de 2° de ESO quixemos conmemorar este día analizando o importantísimo papel que xogan as bibliotecas na nosa sociedade. #plambe #diabibliotecas #bibliotecaescolar
Xa que os rapaces e rapazas de secundaria están visitando estes días a exposición de Playmobil no MIHL, aproveitamos para recomendar aos máis pequenos a lectura da colección "Profesións de Playmobil", dispoñible na biblioteca do noso cole. #playmobil #bibliotecapacomartin #bibliotecaescolar #plambe
Esta semana renovamos o contido das mochilas viaxeiras de 1° e 2° de primaria, para que os nenos e nenas sigan desfrutando do placer da lectura nos seus fogares. #mochilasviaxeiras #plambe #bibliotecaescolar
No cole celebramos o 23 de abril compartindo cos nosos compañeiros e compañeiras as nosas lecturas favoritas; porque como di a escritora Elvira Ribeiro, "ler é un agasallo sen cancelas"
